唔追求物質好易養 林愷鈴揚言拍拖唔會遷就男友藝人林愷鈴（Ashley）今日喺中環出席香水活動，仲有、栢天男、張敬仁等人都有現身活動現場。接受訪問時，林愷鈴表示佢自己就覺得香水係私人物品，加上自己鍾意嘅味道比較獨特，情願自己買都唔會想人哋送。被問到係咪只有男朋友送嘅香水先會用？佢即笑言：「咁要搵到個男朋友先，相信佢都會知道我嘅心水。」佢又指除咗香水唔會遷就將來男友嘅喜好之餘，對於自己嘅造型打扮亦都會堅持己見，佢話：「女仔着衫、打扮最緊要就係自己開心，情侶之間相處有好多層面，其他嘢都可以互相遷就，但係打扮要忠於自己。」藝人林愷鈴今日出席香水品牌嘅活動。栢天男、張敬仁等人都有現身活動現場。相當有型。林愷鈴表示自己寧願自己買香水都唔想人哋送。之後佢又自言對物質生活並唔太重視，唔需要男仔送珠寶、首飾等物質嚟滿足自己，因為呢啲自己都可以買畀自己，只要畀佢最真誠嘅陪伴就足夠。講到佢唔追求物質好容易養？佢就笑言：「咁你要問我阿媽，我諗我阿媽都覺得我易養嘅，因為自己最緊要食，食得開心就OK。」自言對物質生活並唔太重視。揾另一半最重要係真誠以及互相陪伴。林恺铃
唔追求物質好易養 林愷鈴揚言拍拖唔會遷就男友
