周秀娜又打又喊勁搶Fo 被讚升呢實力派藝人周秀娜（Chrissie）於新劇《叠影狙擊》首集表現吸睛，先後迎戰職業殺手及神秘狙擊手，但無論凌空起飛腳或槍戰場口均相當俐落，當中更不乏埋身肉搏及槍戰戲。除了動作場口，她還要一口氣應付3場喊戲，獲網民大讚是實力派演技：「娜姐啲喊戲幾掂喎」、「成功轉型實力派。」Chrissie受訪時笑指首集打鬥場面未算最難：「第一集我唔使着高踭鞋拍打戲，所以順利啲！(入面有好多場喊戲！)最深印象係喺方力申屋企嘅喊戲，劇情講我知道妹妹走咗好內疚，嗰場戲係幾大壓力，因為要好集中去諗同妹妹嘅回憶片段去幫助培養情緒，所以嗰幾場戲我都生人勿近，唔會同身邊啲人講笑，嗰日係拍得最攰同最痛！」好有型！又喊！仲好好打！做打女！同黃宗澤有床戲！周秀娜
周秀娜又打又喊勁搶Fo 被讚升呢實力派
