天后獨門Keep弗秘方！容祖兒日行2萬步　容光煥發素顏都咁靚

天后獨門Keep弗秘方！容祖兒日行2萬步　容光煥發素顏都咁靚天后容祖兒（Joey）早前放大假，一時上山下海，一時又去郊外Camping，生活寫意，不過話咁快就要再次進入作戰狀態，近日開始密密加操，日前佢於社交網上載健身片段，見佢做出平板支撐動作，再喺滑墊輔助下，左右擺動下盤，瘋狂苦練腹肌。除咗做Gym，佢仲有獨門Keep弗大法，原來全靠行路：「一般嚟講都話散步好過跑步，最好可以行到1萬步一日，平時去旅行梗係冇問題啦，閒閒哋都萬幾2萬步。但係喺屋企真係頹起上嚟，每日只係得50步都試過，前幾日我終於決定，可以喺屋企樓下踱步聽住歌不停氹氹圈，又得喎，又安全，又有涼風輕輕吹，行到腳仔軟哂。」佢仲分享1日已行超過2萬步，行足4小時，毅力驚人！生活咁健康，難怪佢素顏示人，皮膚都一樣咁好。容祖兒重新投入作戰狀態。狂操腹肌。日行2萬步。難怪氣色咁好，容光煥發。容祖儿