黃宗澤酒店泳池以為被比堅尼女郎圍 點知周秀娜包到冚藝人周秀娜（Chrissie）與黃宗澤（Bosco）孭飛的劇集《叠影狙擊》，拍攝期間遇上疫情，令劇組無法飛到外地取景，導演靈機一觸把新加坡劇情移師本地酒店取景，Bosco自爆當初獲悉與Chrissie在酒店泳池拍攝時充滿幻想：「本以為喺酒店泳池邊拍攝，會被三點式泳裝美女圍住，點知原來被追殺，演槍戰戲要周圍跑。劇情指呢度係新加坡，但疫情我哋留咗喺香港嘅酒店拍攝，所以我戲中作為遊客，其他事就唔使我做，好舒服，只係負責監視，辛苦晒Chrissie同壞人搏鬥。」更笑指Chrissie應該三點式上陣任卧底，沒料最終武裝上陣包到冚，僅見到其雙眼。回想之前另一場戲與Chrissie在中環拍攝槍戰戲，穿梭鬧市取景，人多車多，非常難忘，Bosco表示：「封咗條街好大陣仗，牽涉嘅人又多車又多，又要跑又要開槍，仲要落雨，台前幕後合作趕拍完成，唯一可惜，無時間畀Chrissie Shopping。」Bosco以為喺酒店泳池就有艷福！點知周秀娜着成咁！唔係咁嘅咩？黄宗泽
黃宗澤酒店泳池以為被比堅尼女郎圍 點知周秀娜包到冚
