鄭俊弘生日收結他 想再做老竇：要等老婆準備好藝人鄭俊弘（Fred）今日（10日）迎來40歲生日，獲大班粉絲為他舉辦生日會，並送上蛋糕及香檳，太太何雁詩亦有到場向老公送上生日一吻。Fred表示今次是自疫情後，首次舉辦大型粉絲聚會，問到生日願望？他表示希望一家人身體健康、囝囝快高長大及世界和平，又指太太昨晚已送了生日禮物給他，令他非常驚喜：「佢送咗個結他畀我，係一個我好鍾意嘅結他手用嘅同款結他，好開心！（囝囝有冇表示？）我今朝攬住佢錫，因為佢未識主動錫我。」問到可會想太太送B當生日禮物？他笑言當然想：「阿仔依家歲半大，差唔多時候可以再追小朋友，唔想隔太遠，不過等老婆準備好先。（要夾埋11月生？）又唔使，哈哈！」鄭俊弘明年會以音樂工作為主。愛妻何雁詩到場祝賀。他透露11月是慶祝月，因為太太、媽咪、家姐及外父也是11月生日，而且又是結婚周年，笑指太太提議將結婚周年與外父生日一起慶祝。問他結婚周年可有送禮物給太太？他笑謂：「送咗紮花，所以依家都有啲內疚，哈哈！下年補數。」另談到工作，他表示今年推出了一首歌曲，明年會以音樂為主，會多出幾首歌曲，稍後會計劃開音樂會。即場送吻。粉絲全力支持。郑俊弘何雁诗
鄭俊弘生日收結他 想再做老竇：要等老婆準備好
