佘詩曼全黑女王造型曝光 透露有份參與設計畀意見《新聞女王》官方社交網今日釋出人物造型宣傳照，眾演員以新鮮感十足的維多利亞時代造型亮相，阿佘身穿全黑色透視公主袖宮廷服上場，無論是權威莊嚴的眼神或是纖幼腰肢均相當搶鏡，她的表情更是Cool爆，就如女王駕到一樣。李施嬅則穿上同樣高貴的Deep V宮廷裝，但就白色示人，與阿佘形色強烈對比。高海寧以超低胸寶藍色宮廷服造型上陣配以一身藍寶石首飾，同樣搶鏡。何依婷與王敏奕分別以白金及暗紅色造型登場，大家都各有各靚，她們頭上均戴有不同款式的王冠，以突出「女王」主題。劇集官方社交網釋出宣傳照。阿佘穿上全黑色宮廷服，透露有份參與設計。高海寧以超低胸寶藍色宮廷服造型上陣。李施嬅則是低胸白金造型亮相，相當性感。馬國明西裝骨骨，型格十足。王敏奕則以暗紅色造型登場。何依婷亦是以白金造型上陣，明艷動人。阿佘同李施嬅2人亦相當落力為劇宣傳，先是阿佘上載劇照寫道:「Think like a lady，Act like a queen.」之後李施嬅亦同樣分享劇照:「To be or not to be a Queen?」日前阿佘剛剛參加完朋友婚禮，在社交網晒出當日與一眾朋友開心合照，而她在接受東網訪問時坦言:「呢條裙我都好鍾意，係我同服裝指導一齊設計嘅，我揀黑色係因為我覺得黑色代表權威、冷漠同執着，同我劇中嘅角色相符。」參加朋友婚禮，與老友一齊開心合照。劇集總監製鍾澍佳表示鎖定維多利亞時代作為造型重點，皆因想打造貼題的女王感：「我哋其實一開始就計劃要拍一個職業劇，新聞概念我相信觀眾都好清楚知道，剩番落嚟就係點樣將女王同戰場呢個概念、以更有視覺效果嘅方式呈現畀觀眾。所以我就同負責海報設計嘅同事Leo商量，用咗呢個Image。」佳導笑指十分滿意海報效果，並坦言單是拍攝這輯海報，台前幕後共花了接近三天時間，足見製作團隊之認真：「差唔多每個Image都要拍大半日。」每個角色各有各靚，突出「女王」主題。#新闻女王#佘诗曼
佘詩曼全黑女王造型曝光 透露有份參與設計畀意見
