陳家樂大談婚姻觀　追求穩定畀到信心老婆

陳家樂大談婚姻觀　追求穩定畀到信心老婆藝人陳家樂、衛詩雅演的英皇電影《不日成婚2》，乃兩年前首集的延續篇，原班人馬再度參演，大家將會成熟地去梳理首集留下來的課題，同樣也會遇上更大的難題。不過，劇中一眾演員就表示自己與角色對婚姻的觀念大不同。剛於今年完婚的陳家樂，坦言現時追求穩定：「我同角色好大唔同，角色唔係好知道想要啲咩，冇諗過點樣進化同女朋友嘅關係，而我自己會希望早啲結婚，穩定啲，畀到多啲信心自己同身邊嘅人。」原班人馬再度參演。大家會將之前留下的課題，逐一拆解。陳家樂坦言自己與角色婚姻觀大不同。而片中默默付出的衛詩雅謙虛指難以像角色般不停犧牲：「角色係付出型，好大愛，為咗男朋友可以犧牲好多、現實中自己冇咁偉大，真係未必可以做到咁。」片中愛互相質疑的朱柏康和談善言，則異口同聲說現實中想法大不同，朱柏康笑言：「我同角色好唔同，今次個角色已經蛻變到一個Family Man，我唔敢講自己能唔能夠做到。反而疑心重呢方面，自我存在價值開始降低，呢方面會有啲似。」談善言自言感情上不想控制太多：「片入面我係掌控型，軟硬兼施想控制住段婚姻，我相信如果我結婚，未必會想處理咁多嘢。」楊偲泳就笑指處理婚姻上面會一切隨緣，見步行步。衛詩雅表示自己不會像角色那樣為愛犧牲自我。談善言認為自己在感情上不是掌控型。楊偲泳則笑言自己隨緣，見步行步。