台慶︱朱晨麗超Deep V上陣晒半球 與「同事」何廣沛前後腳到場今晚無綫台慶，一眾小生花旦盛裝上陣現身紅地氈，爭妍鬥麗。其中朱晨麗以一身白色喱士大deep V晚裝出席，性感又隆重。領口位幾乎開到落肚臍，中門大開盡晒南、北半球之餘，仲露埋白滑玉背任人睇！最吸睛嘅係，佢嘅禮服上半身係薄紗設計，傲人身材若隱若現，相當誘惑，惹人遐想！將成為人妻的何依婷，黑色喱士低胸晚裝上陣。郭柏妍長裙開衩騷美腿。朱晨麗以一襲超級Deep V純白禮服亮相。幾乎開到落肚臍，中門大開盡晒半球。仲要露埋白滑玉背，認真冇得輸！而朱晨麗嘅昔日「舊愛」何廣沛，咁啱得咁蹺，同佢前後腳登場。與朱晨麗獨自一人行紅地氈相比，何廣沛就艷福不淺，同視后蔡思貝一齊步上紅地氈。佢哋2人之前傳足6年緋聞，「分手」後何廣沛仲直言已經將朱朱降呢為「同事」，更表示2人只會喺公司大型節目先會見面，唔知今次2人咁耐冇見，仲要前後腳到場，會唔會感到尷尬呢。何廣沛艷福不淺，同視后蔡思貝一齊行。何廣沛西裝骨骨，相當型格。2人前後腳行紅地氈。朱晨丽何广沛
台慶︱朱晨麗超Deep V上陣晒半球 與「同事」何廣沛前後腳到場
