台慶︱黃智雯出動性感「肚兜」 炎明熹高貴優雅盛傳離巢的黃智雯與視帝馬國明同行台慶夜紅地氈，黃智雯上身是掛頸的閃片款恍如肚兜，配合黑色裙擺，高貴獨特，另一花旦張曦雯身穿黑底白花裙，前裙後長的剪裁露出一條玉腿，但服裝有欠隆重。至於「聲夢人氣王」炎明熹穿上白色綴以立體皺褶的晚裝，高貴優雅。已為人妻的黃智雯被問到性感上陣是否要老公批准？她笑言：「唔使，我向來冇問，反而有問馬國明。老公偶然都有讚我，成日讚就唔矜貴。」馬國明即時讚對方靚，十分識做。智雯年底約滿無綫，她表示續約仍在傾談中，且還有時間，問是否婚後想多時間照顧屋企？她否認：「唔係，老公知我鍾意做嘢。」至於快成人夫的馬國明，被問到會否向黃智雯借鏡，因對方結婚做足保密功夫﹖馬國明坦言：「情況唔同，因為佢另一半係圈外人。（你結婚會唔會喺香港大搞？）今日老婆冇批准我講結婚嘢，你哋問佢啦！（會唔會搞單身派對？）唔會，我係冇儀式感嘅人，而且一直要開工。」黃智雯同馬國明行夜紅地氈。黃智雯性感上陣。炎明熹嚟啦！高貴優雅！ 張曦雯身穿黑底白花裙。張曦雯（左）大晒玉腿！黄智雯炎明熹
台慶︱黃智雯出動性感「肚兜」 炎明熹高貴優雅
