新聞女王丨有線主播竟在辦公室開電視追劇！ 網民激讚佘詩曼演技報新聞似方健儀佘詩曼主演的TVB台慶劇《新聞女王》由製作開始已經廣受關注，身為香港鮮有以新聞工作者作主題的劇集，自昨日（20日）開播後，亦引起香港主播討論，就連有線主播亦竟然在辦公室睇電視煲劇！【點擊睇網民講新聞女王】：佘詩曼（右）相隔多年再主演TVB劇，備受期待。佘詩曼（右）相隔多年再主演TVB劇，備受期待。佘詩曼飾演主播，獲得不少網民大讚。佘詩曼飾演主播，獲得不少網民大讚。不少昔日或現役主播亦有追看《新聞女王》。TVB劇集《新聞女王》昨晚（20日）開播，竟然連有線主持亦有煲劇。有線男主播陳書君昨晚在IG Story貼出與主播鍾卓恆、記者邱蔚怡及其他工作人員一同在辦公室用電視睇《新聞女王》的照片，還留言笑說：「喂呀！」而鍾卓恆則轉發照片留言說：「飯後睇劇時段」之後鍾卓恆亦轉發有關TVB前主播麥詩敏等批評劇情太誇張的新聞，留言說：「實在好耐冇睇過劇，要修改好多真實設定，但為咗做戲都冇計啦，當劇情睇就好，萬勿當真。」佘詩曼獲網民睇好拎視后《新聞女王》首播亦掀起網民熱話，就連在連登亦被推上熱門，紛紛評價劇中演員演技，其中主角佘詩曼獲網民大讚：「阿佘啲演技又升咗LV（level）。」、「本身撐Mandy（黃智雯）今年拎視后，睇怕今年都係阿佘，無得打。」、「佢報新聞個tone好掂，成個主播咁，巴絲話似方健儀。」更有多年未睇過TVB的網民因為《新聞女王》想再開電視：「唔係講笑，成十年冇睇TVB，呢套反而想睇返。」
新聞女王丨有線主播竟在辦公室開電視追劇！ 網民激讚佘詩曼演技報新聞似方健儀
