AGA東莞開唱薛凱琪驚喜現身 揭示一段「伯樂情」歌手AGA（江海迦）巡唱繼佛山後，再於東莞舉行，邀請了在她創作生涯中一位非常重要的人任表演嘉賓，當薛凱琪（Fiona）現身時全場起哄，AGA更分享和好友之間一段「伯樂情」。AGA未當歌手前擔任作曲人，創作3年都未獲任何歌手賞識，直到Fiona聽到《Better Me 》的demo，便向當時的公司表示一定要錄這首歌，結果令AGA成功賣出第一首作曲的作品，而呢首歌亦是她人生中第一首創作嘅歌曲，所以AGA至今仍然很感激Fiona的賞識。AGA說：「《Better Me》係我人生中嘅第一首歌，點解會寫？因為失戀囉，第一次失去一段感情嘅時候，我覺得好可惜，就喺度諗究竟自己做錯啲咩呢？每次唱呢首歌，我都會激發自己，勿忘初心，be a better me。我做作曲人嘅時期，3年嚟都冇人欣賞我啲歌，即到有一日，凌晨3點有人message我，話呢首歌嘅訊息同故事令佢好感動，跟住呢首歌仲好受歡迎，令我覺得原來我都得㗎喎，我都可以寫到歌，非常之多謝你，唱我呢首歌。」Fiona亦覺這首歌療愈了自己，她對AGA說：「你唔單止係寫到歌，你仲唱到歌，又跳到舞。你原來係因為失戀寫呢首歌，雖然你係愛情上嘅失戀，但我係成個人生都失戀嘅時候，人生呀，個腦呀，好多方面都…，就係因為呢首歌嘅demo 鼓勵咗我。所以我就同公司講我一定要唱呢首歌，其實我當時隻碟係已經夠晒歌，但我都一定要唱。你以為你做一首歌療愈自己嘅心靈，其實你都療愈咗我，同埋幫助咗好多人療愈佢哋嘅心情。我真係好想同你講，我好多謝你。希望你嚟緊可以再作多啲歌，畀多啲正能量我哋。」兩人更首次同台合唱《Better me》，AGA更一度感觸得眼泛淚光。AGA稱在演唱會上見到很多熟悉的面孔，有很多香港嘅朋友及Fans都組團來支持，而且成都、東莞 、佛山、廣州等地的Fans，都有跟着她齊走巡迴，令她相當開心。日前AGA綵排時不小心弄傷了右腳，膝頭位置筋腱發炎，劇痛非常。她原本想忍痛完成所有舞步部分，但由於舞台設計呈斜傾角度，加上開場時solo部分有坐在地上的舞步，對膝頭蓋構成壓力，故此排舞師特意改動舞步，AGA能順利完成演出。AGA唱出《一》、《圓》、《Wonderful U》等首本名曲嘅時候，台下觀眾全場大合唱，場面感人。最後AGA與全場觀眾及工作人員拍攝大合照，演唱會圓滿結束。AGA廣州開唱！AGA又唱又跳。好Fit！Fiona驚喜現身。原來係AGA伯樂。AGA愈唱愈好！江海迦
AGA東莞開唱薛凱琪驚喜現身 揭示一段「伯樂情」
