梁諾妍被傳再度懷孕 晒BB車疑默認獲粉絲祝賀藝人梁諾妍（Inez）近日被傳再度懷孕，老公洪永城接受訪問時就表示：「有好消息再同大家講，我相信我老婆會遲啲講。」又指太太雖然仍有操練，但下年未必能參加馬拉松賽事，似乎洪家真的快將有新成員來臨喇。Inez昨日於社交網發文分享多張同BB車的合照，她寫道：「Hello YOYO！一部超級輕巧嘅BB車，Sirface 一出世已經開始用，呢兩年開始由帶佢去醫院打BB疫苗，至搭飛機同佢去馬來西亞旅行，無論喺唔同嘅天氣，搭唔同嘅交通工具，YOYO都陪住我哋，我仲加咗個大配件背囊，裝晒BB嘢仲可以裝埋媽媽嘅，太方便啦！仲有超多配件，滿足唔同需求，又有唔同顏色選擇，有品味嘅媽媽真係最啱。」雖然只是介紹BB車，但粉絲都紛紛留言祝賀：「恭喜恭喜，喜迎龍年寶寶」、「洪家新成員坐」、「呵呵 Sir Face 2.0」、「係咪準備比Mom face坐」。有傳梁諾妍再度懷孕！老公洪永城表示有好消息會同大家講。Amber就嚟做家姐啦！洪家快將有新成員來臨喇。#梁诺妍#洪永城
梁諾妍被傳再度懷孕 晒BB車疑默認獲粉絲祝賀
