馬國明否認與鄭嘉穎曾鬧交 高海寧等接花球藝人馬國明今日 （6日）出席新劇《飛常日誌》的煞科宴。被問到網民指好兄弟鄭嘉穎是雙面人，他說：「我唔知道點解件事會傳到咁，首先我要同大家講，就係我同鄭嘉穎冇鬧過交，真係我唔知點解會講到咁。」他笑言未知是否有新劇上，大家可能要這些新聞有關，他說：「我成日都話如果你熟嘉穎，你就知佢講嘢係點樣，你知佢講緊咩。如果你唔了解佢，可能會覺得佢好寸，可能有啲誤會呱！」馬國明人逢喜事精神爽。對於鄭嘉穎的表弟王賢誌暗寸有人是「雙面人」，他說：「我唔知道佢哋嘅關係！佢哋話佢出咗篇嘢，我冇睇到嗰篇嘢，我又唔係當事人，所以我唔會評論人哋啲嘢，問返當事人會好啲。」高海寧笑容滿臉。同場，高海寧（高Ling）將為馬國明的婚禮擔任姊妹，獲預告已為她預留了花球，加上早前傳出有新戀情，高Ling即成為追問對象。對於被指有新戀情？高Ling否認說：「唔係呀，我睇新聞時都有少少O嘴，對方只係一個喺咖啡店遇上識得嘅老闆，大家坐低傾咗兩句，佢仲話考慮緊參唔參加內地素人相睇節目。（有冇發展機會？）唔會，我好講眼緣，亦唔係會收兵嘅人，佢亦冇追求我嘅意思。」講到接花球，高Ling開心笑謂：「可以接呀，我成日叫馬明介紹異性畀我，其實我唔係冇人追，不過係要我鍾意嘅，否則都唔會單身咁耐。但我聽講接咗花球要半年內結婚，唔係有排無得結，所以花球畀現場有準備結婚或者準備被求婚嘅女仔優先。另外，高Ling在《新聞女王》的造型和髮型成為模仿指標，她興奮說：「我知道有好多網民會整差唔多嘅髮型，買差唔多嘅服飾，又會做一樣嘅表情同動作，睇到咁多人扮自己的角色，當然好開心。同埋有人畫我嘅肖像配唔同嘅衫、動作，又有我唔同喊嘅表情，遲啲我會一次過post出來。」蔡思貝狀態大勇。蔡思貝則透露與眾主角自掏腰包給劇組抽獎，更自爆提供護膚品和facial療程，她說：「我前排去咗李日朗個小顏術活動，我同佢講有呢個慶功飯，所以叫佢贊助。（攞現金出嚟抽？）我冇㩒定錢呀，到時現場應該有人嗌，或者過數畀佢哋，有拖冇欠。」思貝又透露日前到廣州跟中國體操冠軍劉婷婷學前空翻及平衡木，她表示：「今次做咗人生第一個前空翻同平衡木，人哋3歲就訓練，我就30歲先訓練，婷婷仲讚我好有體操天分，令我想繼續去研究。（你係被演員耽誤嘅運動員？）唔係，希望做演員得嚟隨時裝備好自己，有動作戲身體都準備好去應付。」劉穎鏇派心。郭柏妍備受力捧。人才濟濟。kennethma马国明
馬國明否認與鄭嘉穎曾鬧交 高海寧等接花球
