洪永城望老婆梁諾妍第二胎生女 被問妻子會否考慮停工竟然咁回答藝人洪永城昨日 （6日） 現身尖沙咀出席《飛常日誌》煞科晚宴，適逢同日是他40歲生日，一眾參演演員在台上為他驚心炮製驚喜，送上生日蛋糕祝賀。洪永城接受《香港01》 大談新劇角色：「今次新劇我就係做一個保安經理，大家就會經常見到負責機場嘅保安出出入入，全部都關佢事，所以大家去到機場一定要畀面佢哋，如果唔係就大鑊！」洪永城昨日 （6日） 現身尖沙咀出席《飛常日誌》煞科晚宴，一眾參演演員送上蛋糕祝賀他生日。（梁碧玲攝）洪永城有陰影唔敢得罪保安講到演出這個角色後的心得，他直言：「學識咗千祈唔可以得罪保安，我細個曾經試過咁樣，就係一過海關嘅時候，又要我除皮帶、除乜嘢，都唔係咁好啦！之後發覺其實佢嘅工作好辛苦，好需要紀律，唔可以有任何差錯，有機會有啲嘢喺禁區嘅時候發生，或者會危害其他嘅乘客，我學懂要尊重佢哋嘅工作，同埋要尊重機場嘅員工。」他繼續指明白保安的重要性，而被問到新劇會否有感情線，他表示：「感情線有少少啦！唔算係好多，而家都唔流行感情線，同高海寧有少少。」洪永城同高海寧有感情線。（梁碧玲攝）洪永城尊重老婆梁諾妍一切決定提到老婆梁諾妍最近上載嬰兒車照片，是否暗指有好消息，他笑說：「有好消息再同大家講！」至於希望生男孩還是女孩，他表示：「如果係第二胎，都係想生女，有女就好似容易湊啲，仔女都開心。」被問到會否希望老婆專注照顧家庭，而暫停幕前工作，他回應：「呢個係佢自己選擇嘅啫！我相信佢自己都有好多工作想去處理，佢都唔會唔做嘢淨係照顧小朋友，佢都想照顧小朋友之餘，去做自己嘅嘢，我相信好多現代嘅女士都用呢個態度！」洪永城望老婆梁諾妍第二胎生女。（梁碧玲攝）梁諾妍貼超聲波相承認再次懷孕洪永城昨日接受完採訪後，相隔半小時他的老婆梁諾妍在社交平台公布超聲波相，承認正懷有第二胎，表示這是送給老公的生日禮物。她更寫上：「唔知道，你上年嘅生日願望係唔係三年抱兩呢？如果係嘅恭喜你，你願望成真啦！決定喺你生日同大家分享呢個喜訊 夠晒meaningful呢 祝你生日快樂，身體健康 健健康康照顧我，照顧Molly同Sirface，同埋Sirface no2，相信你嘅基因真係好強大 超聲波嘅寶寶已經覺得好似你，多謝大家嘅祝福🩷 Sirface no2 ，我哋喺出年4月頭見！」梁諾妍趁老公生日宣布三年抱兩的喜訊！（Instagram：inez_leong）梁諾妍貼出超聲波相，指第二胎將在明年4月頭出世。（Instagram：inez_leong）洪永城
洪永城望老婆梁諾妍第二胎生女 被問妻子會否考慮停工竟然咁回答
