郭子豪鄧卓殷拍拖四年突曬婚紗相 「應承咗大家有好消息一定講…」

郭子豪鄧卓殷拍拖四年突曬婚紗相 「應承咗大家有好消息一定講…」郭子豪近年被TVB投閒置散，除了綜藝節目《真係唔好笑》外，他參演的劇集都少之有少，繼《法言人》和《隱形戰隊》有些少戲份，但現時手頭上已經沒有「存貨」，亦未見開劇的消息。不過郭子豪就頻頻同女友鄧卓殷以「情侶檔」拍IG片，相當受歡迎，今日郭子豪分享兩人的疑似婚紗相，更公布好消息。郭子豪穿上黑色禮服，而鄧卓殷穿上白色連身裙，看上去似足結婚相，惹來網友洗版式恭喜。郭子豪留言更是大玩「標題黨」，「一齊咗四年幾，應承咗大家，有好消息一定會同大家講，我哋終於……一齊參加節目。呢個係我哋公司認識後，第一個以情侶組合身份參加嘅綜藝節目，亦都係第一次感受咁大型嘅製作，第一次經歷咁多體力同情感嘅挑戰，想要分享嘅話題太多，想要感謝個人都太多。大家一定要留意！11號中午12:00先導片上綫，12號晚上7:00正式播出第一期！#炙愛之戰 #豆子情侶」郭子豪2019年本身跟圈外女友Karen拍拖，不過有網民爆於4月時目睹男方趁女友身在美國工作期間，跟一名個子矮小、疑為鄧卓殷的女性到外地遊玩，亦有網民以她衣著與疑為鄧郭二人外遊照比較起來，推證相中女性是鄧卓殷。隨後，有傳媒拍到兩人一同睇樓的相片，舉止親暱。當時郭子豪回應事件時，聲稱跟Karen分手，但「情變」不牽涉第三者。直至2020年7月，他公開承認與鄧卓殷交往，兩人拍拖至今已經4年時間，不時在IG高調放閃。