林子超榮升業主 拒租屋幫人供樓 承諾節衣縮食：恭喜自己負債幾百萬藝人林子超去年在無綫節目《全城一叮》化身變裝皇后一舞成名，現實中曾經窮到全副身家得幾百蚊的他，捱足多年終有出頭天，靠電視台工作及教舞有穩定收入，除了月花1.6萬元租樓獨居外，最近更榮升業主，相當勵志。林子超目前係邵氏藝人。在《全城一叮》化身變裝皇后，造型妖艷。近來忙於拍新劇《法證先鋒6倖存者的救贖》的林子超，日前應邀為KOL好友Meiying拍攝家居room tour，首次公開自己的家。獨居的他以月租1.6萬元租住一個約400呎的兩房單位，雖然一個男仔自己住，但他的家執拾得非常整齊。他在廳中放了自己化身變裝王后的照片，以及他在《宮心計2深宮計》飾演太醫陳茗風的畫作。當初為了追演員夢，林子超辭去NowTV主持一職，之後曾因冇工開而窮到燶，戶口只得三位數字存款。雖然現在林子超收入穩定，不過布置家居時仍相當慳儉，僅花了一萬元以內，便添置全屋二手家具，令Meiying驚訝大讚好叻，林子超搞笑說：「唔係因為叻，係因為窮。」林子超將兩間房，一間用作睡房，一間用作儲物及工作。他公開衣櫃，自認「癲癲地」的他將衣服跟顏色區分排列，整齊過大部分香港人；他又淘寶多個鞋櫃放鞋，一向貪靚的他，睡房中更秘密機關專放名牌袋。他自言住得滿意，只是比較不喜歡廚房及廁所的裝修老舊。目前忙於拍《法證先鋒6倖存者的救贖》。林子超在短片尾聲更公布喜訊，宣布買樓做業主：「恭喜我負債幾百萬，多謝。」他接受《晴報》訪問，開心說：「今次首次置業，同埋而家樓市跌咗好多，唔想再租樓幫人供樓，再加上有屋企人嘅幫忙，又睇到一個自己鍾意嘅單位，所以就買咗啦！」他笑言下星期收樓，然後裝修，最快明年4月才搬到新居，貪靚愛買衫的他搞笑說：「2024年準備節衣縮食！我應承咗自己，2024年唔再買嘢！」林子超大
林子超榮升業主 拒租屋幫人供樓 承諾節衣縮食：恭喜自己負債幾百萬
