謝霆鋒食「限制級」鴿腦嗒得過癮 震撼網友眼球型男謝霆鋒識玩識食，近年更愛上探店，前日（22日）佢就去到內地一間西餐廳，餐廳用上唔少國內食材，佢一入去仲有負責人恭迎，加上成櫃熟成嘅東北、山東等地肉類，仲有「熟成21天的鴿子」，令到霆鋒都露出驚訝表情。謝霆鋒先後品嚐四道菜式，就好似自製麵包配胡蘿蔔牛油、炭烤茄子泥、果木炙烤祟明鴿及紙包黃魚，佢仲大讚啲麵包「空氣感非常好」。謝霆鋒又去探店喇。去試「熟成21天的鴿子」。不過最令人留意嘅，係霆鋒食烤鴿時，用筷子挖出鴿腦，仲愈嗒愈過癮，佢話︰「有很多觀眾朋友不會這麼吃，但是我從小都是這樣吃的，父母說腦子補一下聰明一點。」語畢津津有味地狂食鴿腦，而影片左上角即列出「以下畫面可能會引起部分觀眾不適，建議謹慎觀看」雖然震驚一眾網民，不過都令大家大開眼界！大家做好心理準備！係鴿腦呀！食得多會聰明呀～谢霆锋
謝霆鋒食「限制級」鴿腦嗒得過癮 震撼網友眼球
