台慶頒獎禮︱傅嘉莉何沛珈爭飛躍互笠高帽

台慶頒獎禮︱傅嘉莉何沛珈爭飛躍互笠高帽藝人傅嘉莉（Kelly）、何沛珈、阮浩棕和林景程等，今日（27日）出席《萬千星輝頒獎典禮2023》的「飛躍進步」獎10強候選人活動，Kelly和何沛珈原來是昔日模特兒公司的師姐妹，今日兩人終於在活動上相認，但卻成為頒獎禮的競爭對手。Kelly和何沛珈不停互笠高帽，何沛珈表示：「Kelly有好多提名，我都有投佢票芬妮呢個角色。」Kelly卻自嘲說：「估唔到要做大師姐，都好大壓力，做唔好就有愧做前輩。我都係第一次提名飛躍進步女藝員，同師妹爭，應該都爭唔到㗎喇，樣樣嘢都不如。」何沛珈即表示：「唔會，我都有留意你作品，好有Heart，做得好好，女配角我有支持你。」Kelly聞言笑逐顏開：「好開心今年遇到個角色畀人睇到有進步，希望大家有所斬獲，或者一齊拍劇，我做你姐姐。」問兩人會如何拉票？何沛珈表示日前聖誕節，已拍了一輯靚相到社交平台「派福利」，而稍後則要備戰下月舉行的十公里馬拉松比賽，她說：「呢排成日練跑，都幾吃力，要練6分鐘一公里嘅步速。」Kelly則表示會積極拉票，她說：「人生可能得一次入圍10強，公司嚟緊搞盆菜宴，我已經買定鼓、海報，諗住大鑼大鼓周圍拉票，橫額都整埋，之前我考咗個寶石鑑證，諗住落區幫啲街坊鑑證吓啲珠寶，順便拉票。」何沛珈則透露：「早兩日去工展會，有市民叫影相，我順便問埋有冇投我票。」何沛珈珂腰搶Fo！傅嘉莉晒腿上陣。傅嘉莉同何沛珈入圍「飛躍」10強。傅嘉莉同何沛珈互笠高帽。林景程睇好阮浩棕入行10年首次提名「飛躍」的阮浩棕，揚言保持平常心，最希望觀眾認同他們的努力和進步，問他可會跟緋聞女友何沛珈一起落區拉票？他說：「可以嘅，畀人見到我出現，令佢哋記得我，都係好事。」而林景程則表示睇好馬貫東和阮浩棕：「我只係過客，但開心今年畀人睇到有進步，依家係心靜如水。」阮浩棕（右）同林景程都有提名「飛躍」。