吳浩康食40蚊「地盤飯」 揚言未放棄歌手夢歌手吳浩康（Deep）上月宣布離開效力20年嘅英皇娛樂後，與太太育有1歲兒子的他，為咗養妻活兒，除咗教唱歌，仲去咗地盤打工養家，化身地盤KOL，拍片同網友分享地盤工作日常，尋日（26日）佢同大家介紹「地盤飯」，睇吓平時佢哋開工係點食飯，同有咩好餸呢？佢留言：「到底地盤飯係點嘅呢？平時我哋係點樣落Order同攞飯嘅呢？幾多錢？品質係點？今次我介紹呢間係5星級服務嘅飯車，品質就留番畀各位師傅去評價！但係唔知大家估唔估到當中有啲咩飯呢？各位工友開飯啦！」片中佢身穿制服戴上安全帽同佩戴安全帶喺高空中工作，令人睇見都覺得牙煙，吳若希睇到吳浩康走樓梯走到半空，留言話：「真心佩服，我睇片都腳軟。」而佢又有大晒菜單，每盒飯都只係40蚊，菜式仲有好多選擇，好似有涼瓜牛肉飯、咖喱牛肉飯等，最後佢揀咗支竹豆腐火腩飯，外賣嚟到係一大盒飯配一盒餸加埋飲品，認真實惠，一班工友都似乎食得好滋味，佢仲直豎拇指讚飯盒好食添，非常滿足。網民亦有留言為佢加油打氣「佩服你拿得起，放得下既態度。撐得起！加油」！吳浩康要養妻活兒。吳浩康好鍾意返工。吳浩康去咗地盤打工。睇見都腳軟！吳浩康食40蚊「地盤飯」！非常滿足！吴浩康
吳浩康食40蚊「地盤飯」 揚言未放棄歌手夢
