孖許文軒默契主持台慶紅地氈 潘盈慧識執生為廣告時段暖場無綫娛樂主播潘盈慧及許文軒，於剛過去的《萬千星輝頒獎禮》繼續拍住上，合作做紅地氈主持。二人表現獲讚，尤其是等待視后佘詩曼到場，二人「拖時間」捉着高海寧及馬國明做訪問，被指懂得執生應變，阿盈透露：「有咗上一年嘅經驗，我哋大概都知要點，但都會好緊張，因為手頭上係冇稿嘅，好彩同文軒夾檔已有一定嘅默契，大家打個眼色就知對方想點﹗」不過稍後許文軒因要幫台慶做VO round up，得番潘盈慧自己被「臨時拉夫」幫手於廣告時段暖場，表現依然滿分。潘盈慧同許文軒默契十足，即刻贏掌聲。阿盈一身雪白打扮係公司服裝設計師幫佢搵。今年頒獎禮為二人來說「有別於過往」，事關同是娛樂新聞台出身的麥美恩及周奕瑋，齊齊獲得「最佳主持」，教阿盈及文軒開心不已，亦難免鈎起昔日大家共事時的軼事，4人亦有爭取機會拍照留念，紀錄這個「歷史性時刻」。而阿盈當晚的一身雪白打扮獲讚，她開心表示：「多謝公司服裝設計師幫我搵到呢件衫，化妝同髮型又配合得到，真係出乎我意料。」孖住賀周奕瑋（中）拎「最佳主持」。仲有麥美恩。#潘盈慧#许文轩周奕玮
孖許文軒默契主持台慶紅地氈 潘盈慧識執生為廣告時段暖場
