Twins今晚開騷撞正阿嬌生日 拜神食燒肉攞好意頭相隔9年再踏紅館舞的Twins，由今晚（21號）起舉行一共14場《TWINS SPIRIT SINCE 2001 LIVE IN HONG KONG》演唱會，而今日是鍾欣潼（阿嬌）的正日生日，牛一開騷別具意義，而未開騷前，阿嬌和阿Sa（蔡卓妍）偕工作人員到紅館後台舉行拜神儀式，場外逼滿逾百粉絲為Twins打氣及祝阿嬌生日快樂。未拜神前，Twins主動走近粉絲，隔住鐵欄打招呼及收禮物，氹到現場粉絲興奮大叫，之後兩人誠心上香，齊齊祈求演唱會順利完成，雖然開騷在即要保持好體態，但為攞個好意頭，兩女都食了啖燒肉。Twins今晚開騷！拜個神先！twins
Twins今晚開騷撞正阿嬌生日 拜神食燒肉攞好意頭
