張衞健綵排個唱出意外 連人帶鋼琴由高處墮下「大帥哥」張衞健近日預告將同組合「BIG FOUR」成員梁漢文、蘇永康、許志安再度合體開騷，已經出道39年嘅佢，近期就先到澳門舉行演唱會，不過尋日（25日）網上流出綵排時疑出現意外，張衞健由高空墮下嘅驚人畫面曝光！張衞健將在2月12日開騷，當中就有一幕佢同一座白色鋼琴綁埋一齊，並懸吊半空中，當下正在綵排演唱會環節，張衞健邊彈鋼琴，同時亦邊同鋼琴順時針旋轉，突然成個鋼琴疑不堪負重突然下墜，張衞健即被鋼琴壓喺下方，身旁嘅工作人員及拍攝者都立即停下手頭工作，上前關心佢有否受傷，場面非常驚人。张卫健
張衞健綵排個唱出意外 連人帶鋼琴由高處墮下
