劉穎鏇空姐扮相贏視后 無綫制服誘惑套套堅！一連十集嘅《飛常日誌》尋日（26日）播出大結局啦！劇集起初拍攝已經引起好大回響，除咗因為有視帝陳豪、馬國明同高海寧呢啲猛人坐鎮，最重要佢係一套航空劇！制服誘惑幾時都係最吸引，劇中有視后蔡思貝同戴祖儀做空姐正到暈，不過網民最like都係劉穎鏇（Tiffany）做嘅空姐！Tiffany一對大長腿加埋黑絲勁誘人，咁高挑嘅身材滿足晒各位乘客嘅幻想封佢「最索空姐」。無綫仲有過唔少劇集上演制服「誘惑」，即刻去片重溫！劇集首周收視登頂！思貝第一集就空姐look上場。不過都唔及劉穎鏇（中）人氣高。呢副身材冇得輸！《烈火雄心系列》圍繞消防員嘅工作，當中唔少場面參考咗現實案例，好似嘉利大廈五級火警場面震撼。系列有古天樂、鄭嘉穎同黃宗澤做大隻消防員梗係吸睛，不過有靚女消防員梁琤同關詠荷仲難得！觀眾覺得佢哋既有女人味又表達到消防員嘅剛強，但講起最深刻嘅劇情一定係梁琤慘被鄭子誠姦咗足足4次！古仔當年好青春呀！梁琤勁慘豬，不過成功令觀眾記住。咁靚女嘅消防見過未？關詠荷短髮look夠晒型。邊個話醫生唔可以性感？女神張曦雯就喺《白色強人》帶比大家一個新鮮形象，醫生袍下全部短裙加高跟鞋，着住低胸裙做手術嘅一幕當時引起好大回響！不過都有網民比較鍾意傳統醫生形象，好似《On Call 36小時》嘅楊茜堯同馬國明就多數正裝上陣，感覺專業又可靠。唔知睇病人定張曦雯心口好！呢個醫生造型可遇不可求。大家鍾意咩類型多啲呢？刘颖璇
劉穎鏇空姐扮相贏視后 無綫制服誘惑套套堅！
