專訪｜吳業坤憶述當年開紅館騷超多負評：有人寄信去政府話要阻止吳業坤（坤哥）相隔四年，本月底將會在胡李名靜體育館開演唱會。這次坤哥有別於過往紅館開騷，選擇一個只可容納800觀眾的地方舉行，目的是拉近同歌迷的距離，並且貼切演唱會主題發揮匠人精神。坤哥接受《香港01》 專訪重提當年開紅館騷飽受爭議，他說：「2016年開紅館嘅時候，大家都好多聲音去反對，好似我仲記得有人話寄信去政府唔知邊度，話阻止呢件事發生。」吳業坤（坤哥）相隔四年，本月底將會在胡李名靜體育館開演唱會。（趙錦添攝）這次坤哥有別於過往紅館開騷，選擇一個只可容納800觀眾的地方舉行，目的是拉近同歌迷的距離。（資料照片）相隔四年開騷的感受坤哥對於今次在胡李名靜體育館舉行《坤哥ただいま2024 音楽会》坦言心情特別緊張，他說：「緊張嘅好期待快啲嚟，好耐冇見過香港嘅歌迷，究竟佢哋仲會唔會嚟支持我呢！大家會唔會感受到我嘅改變呢！我會唔會回應到佢哋嘅期望。至於今次演唱會海報方面，他指已經有同設計師溝通，並表示：「今次想日系少少，今年同公司講嘅方向想做多啲J-Pop方面，所有嘢都偏向日系，而呢一個中心就係圍繞着匠人呢件事，poster就係一個揼緊石仔嘅吳業坤，想成件事都簡潔啲。」他續指希望抱着這樣的心態去繼續發展音樂事業。坤哥對於今次舉行《坤哥ただいま2024 音楽会》坦言心情特別緊張。（趙錦添攝）曾撼贏張敬軒奪得「叱咤我最喜愛男歌手」其實坤哥2015年正式加入樂壇，當年人氣相當強勁，他曾在2015年及2016年連續兩年奪得「叱咤我最喜愛男歌手」，而當年推出的兵哥《原來她不夠愛我》更橫掃所有頒獎禮。提到當年成功擊敗同屆入圍五強的對手張敬軒奪得，他說：「嗰陣時我完全係好驚嘅，其實唔好話揮低邊個，可能大家當時都好愛錫我，覺得呢個小朋友都值得去投我一票，嗰陣時我冇同大家去比較。」他憶述當年得獎的心情恍如坐上了「紅Van」，他表示：「深夜亡命嗰啲紅Van，就去咗個終點。呢個過程好似睇唔到啲沿途嘅風景，其實慢慢一步一步去睇會更加開心，現在我覺得好踏實，我會有自己嘅創作，我會拍到一啲好嘅劇集，大家又開始認識多咗我個人，累積夠啦，攞到呢個大獎好似一場煙花咁。」坤哥當年人氣相當強勁，他曾在2015年及2016年連續兩年奪得「叱咤我最喜愛男歌手」。(符祥定攝)坤哥憶述當年得獎的心情恍如坐上了「紅Van」，更形容攞到大獎好似一場煙花咁。（趙錦添攝）由高峰滑落的原因坤哥當年在事業高峰橫掃樂壇多個大獎，外界認為他現階段與過往落差甚大，講到由高峰滑落的原因，他說：「呢刻唔做就唔知自己有冇得做，2016年開紅館嘅時候有好多聲音去反對，我記得有人寄信，唔知去政府嘅邊度，總之阻止呢件事發，我好似聽過呢件事，我又諗呢刻唔做係咪仲有機會上到紅館呢！我都有呢個衝動，譬如樂小姐同埋Alex佢哋一啲咁資深嘅前輩都去支持我嘅時候，咁不如就去衝。」坤哥2016年於紅館舉行首個個人演唱會《KWANGOR LIVE IN HONG KONG 吳業坤演唱會》。（梁碧玲攝）叱咤現場發覺自己粉絲少了會否不開心講到在叱咤現場發覺自己粉絲少了會否不開心，他坦言：「因為其實我都衰嘅，成日唔出歌，走咗去當然係理所當然，我想透過呢一個音樂會，我真係做嘢㗎啦，出咗咁多歌，搞一個音樂會又出碟，以行動嚟話返俾大家聽。」他繼續指粉絲「走咗」，可能是少了一些時間去應援，他說：「希望係音樂會見到新嘅面孔同埋熟悉嘅面孔。」他指年少氣盛的時候，經常會留言「亂講嘢」，他重提第一次開紅館時，他表示：「我又同啲記者朋友搞笑咁講，你驚唔驚賣唔晒？好似當朋友咁講嘢。一日都賣得晒。我會唔經大腦講一啲說話，自己覺得冇嘢。講者無心聽者有意，講咗呢啲說話累積，大家累積覺得攞咗獎就「囂」。」他澄清一直以來都是這樣的性格及說話方式，並表示：「攞咗獎關注度高咗，大家就會開始揸緊我講嘅一啲說話，久而久之我覺得冇乜嘢，但係風向就唔同咗，我會咁樣睇。風向轉左之後，講咩都冇用，要用行動同埋時間證明返唔係咁嘅人，喺呢兩三年我都開始感受到大家冇咩話攻擊我啦！」曾經支持坤哥的歌迷迫滿幾層商場，認真壯觀。（袁曉君攝）吳業坤當年在社交平台分享食物照片，寫上「要食好西」已經成為娛樂新聞話題。（微博照片）有否考慮過轉行？被問到過去曾經有否考慮過轉行，他坦言：「入咗行總會有幾個晚上思緒來潮，會諗但唔係話要去實行嗰隻，會諗喺呢行仲會做到幾耐呢！可能係冇咁多工作嘅時間，當然係有啲衝刺期，有啲休息期，休息期我個腦不斷係咁喺度轉，唔係好瞓得着嘅，當然腦海會閃過呢啲念頭。」他繼續指很快便打消念頭，選擇坦言面對重新出發。坤哥坦言腦海會閃過轉行念頭。（趙錦添攝）吴业坤
專訪｜吳業坤憶述當年開紅館騷超多負評：有人寄信去政府話要阻止
