周柏豪美國捧愛隊湖人場 一舉動惹網民擔心歌手周柏豪出名係籃球迷，睇波向來都係男人的浪漫，可以去現場睇自己愛隊比賽，簡直係夢寐以求嘅事，最近去美國嘅佢今日（29日）喺社交網大晒去睇NBA比賽嘅片同相，佢身為洛杉磯湖人球迷，呢次佢就去到三藩市嘅Chase Center，睇金州勇士隊主場對湖人隊嘅比賽，留言：「不知道還可以看到他們兩位多少場比賽了，我在主場戴作客隊的帽子，也算是比較大膽吧，在現場真的有點壓力，但其實我兩隊我都很喜歡的。」但係有網民就替佢擔心，始終呢度係勇士隊主場，佢戴住湖人隊嘅Cap帽，十足大細佬咁興奮尖叫自拍，驚佢會受到主場球迷唔歡迎囉，嗌佢真係要小心，低調啲呀，而最後場波湖人隊成功贏波而回，相信佢肯定好開心啦！周柏豪入場睇愛隊湖人作客比賽。周柏豪好興奮。周柏豪喺人哋主場戴作客隊嘅帽，認真大膽！最後湖人隊成功贏波而回。周柏豪
周柏豪美國捧愛隊湖人場 一舉動惹網民擔心
