姚子羚行事業運情場個吉 董事前男友疑撻着「的骰Baby」藝人姚子羚於熱播無綫劇集《狀王之王》中表現突出，反串又扮醜，網友狂讚演出有驚喜。但係佢事業得意，愛情就似乎一直空白，仲成日公開徵男友。相反佢前男友、夜店董事Raymond就愈嚟愈精彩，更疑似撻着「的骰Angelababy」索爆模特兒鍾曦南！姚子羚同Raymond分手後，一直嗌單身。依家事業有起色，但情路就…姚子羚於《狀王之王》有反串埸口。有東網讀者近日喺旺角花墟嘅年宵花市發現Raymond身影，曾戀多位圈中女神嘅佢，換上一頭「陳浩南」長髮擺檔，身邊亦出現一位眼大大索女。時不時都會出現於娛樂版嘅Raymond，喺現場都有市民被認出，Raymond亦醒目立即力Sell賀年頭飾等。不過有美相伴，佢都有陪對方去附近熟食攤位醫肚，又陪對方喺攤位內玩「私家波波」，兩個愈掟愈埋，之後Raymond更親自為對方戴上Cutie賀年毛毛飾物，氹伊人開心。Raymond轉長髮look，即被發現同索女喺花市黐到實。仲喺Raymond個檔口玩「私家波」。愈行愈近，關係撲朔迷離。索女一直喺檔口行出行入，成個女主人咁。Raymond情路開花。有眼利網友發現，原來該索女就係擁「的骰Angelababy」之稱嘅索女Model鍾曦南，對比佢同日於花墟附近嘅活動照，衣着打扮完全一樣，似乎佢一收工就即刻趕去會Raymond。有網友發現索女係Model鍾曦南。一出道就被大讚係「的骰Angelababy」。姚子羚
姚子羚行事業運情場個吉 董事前男友疑撻着「的骰Baby」
