張智霖袁詠儀結婚23周年 唐唐驚喜現身送暖藝人袁詠儀同老公張智霖一直都係娛樂圈模範夫妻，尋日（8日）係兩人結婚23周年紀念日，一如以往佢哋都冧豬慶祝，今次仲share happiness同大班人開P，原來係張國榮（哥哥）前經理人陳淑芬安排今次飯局，搵嚟哥哥一生中摯愛唐鶴德（唐唐）、蔡一智夫婦等聚首，同時補祝唐唐生日，為袁詠儀同張智霖嘅愛情加上友情嘅祝福，更顯幸福。袁詠儀就上載多張合照，尤其見到夫婦同唐唐合照，格外令人動容。袁詠儀留言：「愉快的晚上❤️，謝謝陳太（陳淑芬）周年紀念安排的晚餐😊 」齊人賀結婚周年紀念，滿滿的愛。唐唐（左一）亦有同佢哋合照，So sweet。一轉眼就23年喇！唔知下年個cake咩樣呢？张智霖袁咏仪
張智霖袁詠儀結婚23周年 唐唐驚喜現身送暖
