汪明荃大宅團拜近50人逼爆樓梯勁墟冚！ 「失聰」主持獲阿姐䁬墨寶

汪明荃大宅團拜近50人逼爆樓梯勁墟冚！ 「失聰」主持獲阿姐䁬墨寶汪明荃與羅家英兩位圈中大前輩，每年都會獲不少後輩或好友到其家中拜年，最近患上中耳炎的黃建東、六號陸浩明在昨日（10日）亦到汪明荃家中拜年，而汪明荃與羅家英更搞大團拜，近50人站在大宅門口的樓梯，相當震撼！汪明荃昨晚上在IG分享團拜的照片，留言說：「辰年大年初一，恭喜發財！祝香港百業興旺，市民個個安居樂業！」照片第一張就見到一行近50人，坐爆汪明荃與羅家英豪宅門外的樓梯；眾人除在屋歡聚外，又在大花園打邊爐，向來玩得非常開心，似開一個大派對。陳自瑤、蕭唯展等亦在IG向汪阿姐拜年：「祝Liza姐和家英哥新年快樂，身體健康！」、「阿姐❤️祝你身體健康萬事如意甜甜蜜蜜精神爽利龍馬精神。」黃建東早前左耳突然患上中耳炎導致失聰，他前晚睡更在IG貼出臉部做針灸的照片說：「除咗睇西醫，試埋睇中醫針灸。不過睇嚟今年新年都要失去住左邊聽覺去拜年……」結果昨日年初一果真與媽媽到汪明荃家中拜年，黃建東貼相留言說：「每年年初一最期待就係去Liza姐屋企拜年，同埋食佢親手整嘅蘿蔔糕、馬蹄糕、上海雲吞、炆齋等美食。」今年黃建東更獲得汪阿姐的墨寶：「今年最開心係……阿姐割愛佢親手寫嘅吉祥書簽俾我！嘩！好耐冇睇書嘅我直頭要即刻買返一打書返嚟睇，enjoy吓個書簽，直頭feel到今年年頭行運到年尾！多謝晒阿姐同家英哥嘅招待，我嘅年初一完滿了。」黃建東又表示汪明荃經常問候他的媽媽，還笑說今年拜年因為中耳炎變得特別寧靜：「今年拜年好寧靜，因為唔係好聽到大家講緊乜。」黃建東2016年因二次創作日本洗腦歌《PPAP》廣東話粗口諧音版而一度受到注目，去年黃建東獲得「全能司儀大賽」冠軍，近年為TVB主持不才大騷。