黃德斌過年農工look買外賣 雙封利是金額曝光藝人黃德斌2018年同細16年嘅圈外女友黃美恩（Joyce）結婚，早年佢打本十多萬畀老婆開設時裝店，亦係緋聞絕緣體，多年嚟都維持好男人形象。近日有網民分享偶遇黃德斌買外賣嘅相，見網民透露黃德斌係去買炒飯、炒麵，真人身高有1米7多啲，但好瘦，並表示：「打工人年初二上班黃德斌來買外賣，然後走的時候給了兩封利是給我」仲公開利是金額。見相中黃德斌着上洗水牛仔褲同泥黃色冷外套，低頭篤電話，即被笑稱個look一啲過年feel都冇，更似「農工」打扮。網民同時亦公開佢兩封橙色、黃色sharp爆利是：「我也收到，2草（即20元）」網民即發現佢個利是封正正就印有太太間舖嘅名，一個細節就睇得出佢係「愛妻號」。黃德斌同Joyce（中）結婚後，係緋聞絕緣體。同邊個女星合作都冇緋聞。過年佢hea住落街買外賣。網民爆料，話收過佢嘅20蚊利是。新年佢都有賀年post。黄德斌
黃德斌過年農工look買外賣 雙封利是金額曝光
