菊梓喬「乾旱」已久 夢想婚禮得個「諗」字前「星夢一姐」菊梓喬（Hana）今晚（18日）亮相婚紗展，即場獻唱之餘，更與現場粉絲大玩遊戲送禮物，現場氣氛相當熱鬧。活動上，Hana說出自己的夢中婚禮，稱希望可以旅行結婚：「我會鍾意一邊揸車，一邊影相，希望婚禮喺戶外進行，以buffet嘅形式。」她亦自嘲自己已經「乾旱」了好久，故十分渴望談戀愛，更笑言要找婚姻介紹所尋找對象：「邊個女仔唔想戀愛。」講到新一年新開始，Hana指已經在默默籌備出新歌，大嘆已經好久沒有出歌，她更透露現在已經有決定要簽約的公司：「好快就會正式公布。（係咪有好多公司向你招手？）之前都有傾，但想多方面發展，所以揀咗間比較可靠嘅。」她決定今年要多方面發展，指除了唱歌，還想拍戲和做主持，想大眾能夠通過不同渠道見到自己。談到Hana最近北上工作被內地網民認錯成姚子羚，Hana笑言姚子羚好「靚」：「不過佢太瘦了，仲瘦過我。（開心？）起碼都認到我似一個明星。」表示被認不出來並不會感到傷心，謂只要自己一開聲，觀眾一定認得出。Hana真係好耐都冇拖拍。夢想婚禮係咩？菊梓乔
菊梓喬「乾旱」已久 夢想婚禮得個「諗」字
