朱晨麗箍穩富二代 被陳煒爆做龍年新娘藝人朱晨麗去年被東網獨家踢爆與富二代史昊洺撻着，當時她矢口否認，昨日（18日）出席活動時卻被好姊妹陳煒踢爆好事近，更預告她明年派雙封利是，搞到朱晨麗一臉怕醜；但未知是否為保護愛苗，她只表示會努力，一切隨緣。TVB賽馬日昨日在沙田馬場舉行，行政主席許濤與總經理曾志偉及蕭世和，率領旗下逾30藝人包括高海寧、劉穎鏇、劉佩玥、朱晨麗（朱朱）、陳煒、蔡思貝、陳展鵬、羅子溢、丁子朗、張振朗等傾巢而出，以財神Look現身的胡楓大受歡迎，場面相當熱鬧。本報去年獨家揭露朱朱與何廣沛「分手」後，未夠半年便與富二代史昊洺共墮愛河，並同遊泰國，更因一張凸肚照而傳懷孕，當時朱朱被追問戀情時矢口否認，僅指對方為普通朋友，不過，昨日她偕陳煒受訪時，陳煒突然爆料：「佢紅鸞星動，今年嫁㗎喇！」記者追問朱朱是否有追求者，陳煒代答：「梗係有啦！」朱朱被讚春風滿面，即笑笑口說：「我努力緊。（出年派雙封利是？）我依家都可以派。（保護愛苗？）隨緣啦！」陳煒加把勁接口：「佢唔好意思啫！女仔怕醜，但唔認就唔得。」令全場起哄！記者嘗試與史昊洺聯絡，但至今仍未獲回覆。此外，陳煒自爆日前在老公陪同下到加拿大登台，情人節又有花收：「啱啱返到香港有時差，所以大部分時間都係瞓覺，冇乜點慶祝，不過去咗嘉年華玩，我掟咗好大個公仔回禮送畀佢。（咁你仲收咗咩禮物？）唔使啦！就算同佢食大牌檔都開心！」蔡思貝慰問胡鴻鈞至於高海寧以藍色貼身裙到場，盡顯豐滿上圍，相當搶鏡；蔡思貝則以旗袍現身，祝各位馬迷旗開得勝。問到緋聞男友胡鴻鈞因攜帶加熱煙返港而惹官非，她坦言有關心對方，幫口說：「每個人都會犯錯，佢已經公開道歉，相信上咗一課。」又自爆試過為慳運費，要求對方替她帶東西回港：「我以後都唔會慳運費喇！（佢心情麻麻？）相信佢OK嘅，知道自己做錯事，勇於承擔。」同場的陳展鵬眼睛通紅，原來早前與太太及愛女到泰國旅行時發生意外，他幽默說：「我眼紅太太同囡囡玩得咁開心囉！趨前了解佢哋玩緊乜，點知囡囡擰過嚟篤親我，好小事啫！爸爸唔夠身手敏捷，以我呢啲年紀，過兩日就好番。（囡囡有咩反應？）佢想喊，我扮晒話好痛，佢即刻過嚟錫番我。」而曾志偉談到龍年無綫新節目製作及展望：「今年會復辦《中華小姐》，嚟緊亦考慮開《中年好聲音3》，應該搞大灣區版。緊接《亞洲超星團》將推出《福祿壽訓練學院》，好難得王祖藍返嚟幫手，想訓練多啲新嘅喜劇演員。」朱晨麗風騷派利是。心直口快的陳煒，篤爆好姊妹喜訊。陳煒真有心。傳與史昊洺蜜運成功。人逢喜事的朱晨麗（中），開心地與陳煒（左）、邢慧敏觀賽。蔡思貝（左）與高海寧以貼身服飾凸顯S曲線。港姐出身的郭柏妍（左）與陳曉華各具美態。陳展鵬（左）遭「家暴」致眼紅紅，同為爸爸的羅子溢感同身受。朱晨丽陈炜
朱晨麗箍穩富二代 被陳煒爆做龍年新娘
