婚後事︱黎諾懿自爆有真空全裸戲：對劇組好有信心藝人羅子溢、陳自瑤、黎諾懿、賴慰玲、羅天宇及王敏奕等人主演的無綫新劇《婚後事》即將播出，劇中黎諾懿飾演的甘誠鈞（Davey）與羅天宇飾演的程天暉同為情聖角色，身邊高質女伴一浪接一浪。劇中同為情聖的諾懿與天宇為了劇集同樣豁出去「裸」到盡，諾懿繼與賴蔚玲的親密鴛鴦浸泡泡浴、及與陳自瑤的激吻場面引爆熱話外，原來為了該劇還獻出了更激場口，諾懿更坦言由於場口太激，最終遭全面刪走，諾懿說：「其實嗰場浸浴戲，原本有個鏡頭係影到我背面全裸，即係全身上下都無遮無掩嘅。由於當時我係面對住幅牆，鏡頭只係影到我背面同Pat Pat，加上我對劇組好有信心，所以索性真空上陣坦蕩蕩咁拍，不過最後好似話怕大膽得滯 Cut咗。」諾懿又揚言Davey是其從演以來最具挑戰性角色：「因為情緒上落好大，有衝突場口，又有好傷心、好憤怒嘅場口，有啲戲要演得壓抑的，有啲戲又要外露啲，同表現得好自信，同埋因為角色設定口才好，有時一輪嘴講對白都幾考功夫。但For一個演員嚟講，真係過足戲癮，期待出街後觀眾嘅反應。」黎諾懿新劇扮情聖，好多超激場口。佢同賴蔚玲嘅鴛鴦浸浴原來有更激版本！佢本身真空上陣坦蕩蕩咁拍。但衰在尺度太大…羅天宇今次都有裸戲。佢又係扮情聖。黎诺懿
婚後事︱黎諾懿自爆有真空全裸戲：對劇組好有信心
