朱智賢揸車舉中指疑拍片斷正　隨時被扣5分！

朱智賢揸車舉中指疑拍片斷正　隨時被扣5分！前港姐朱智賢去年約滿離巢後，雖然Keep住有幕前工作，不過佢仍瞓身搞KOL事業，依家佢啲短片去到破百萬點擊，難怪佢都愈做愈出位，繼上次遭「家暴」疑被謝東閔掌摑勒令收聲後，今次佢就拍自己揸車片。見佢打燈準備cut線時，忽然開車窗並伸手出窗外，身旁友人就以為佢同隔籬車示意，仲讚佢：「你都幾有禮貌。」點知朱智賢回應：「吓！我舉中指喎！」不過片中借位拍攝，未有見到佢係咪真係舉中指。朱智賢依家拍片愈拍愈放。揸車cut線都要拍片？原來係要畀人睇佢「舉中指」。真定假？朱智賢之後將短片擺上網，又留言谷點擊問：「究竟現實嘅我有冇試過舉中指？」當中就有網友留言指自己試過因舉中指而被扣分：「試過，扣咗5分」朱智賢即好緊張問：「舉中指畀人扣5分？」該位網友表示：「畀人1823不小心駕駛」朱智賢反問：「咩係1823？」有善心網友助解答：「1823電話熱線，收市民投訴畀部門跟進。」網友即提提佢，如果有人舉報佢「不小心駕駛」，可能會被扣5分！朱智贤