朱智賢師奶Look「被偷拍」 嬲爆掟嘢展現真性情前港姐朱智賢上年約滿離巢後，除咗Keep住有幕前工作之外，仲瞓身搞KOL事業，佢不時喺社交網上載搞笑影片，展現出真性情，得到唔少網民好評，日前佢就晒咗條素顏上陣，並以師奶Look喺屋企廚房煮嘢食「被偷拍」嘅片，由於呢條片應該係男友謝東閔拍嘅，佢好似係想用朱智賢平時上載社交網嘅靚相，同朱智賢私下嘅家居打扮作對比嚟寸朱智賢「照騙」，搞到朱智賢都嬲𤲶豬，隨手拎起塊碗布掟向謝東閔！朱智賢留言：「日日都咁靚唔係咁好嘅，你哋身邊有冇啲咁嘅朋友，打扮前後係兩個人？下次再偷拍就唔係掉毛巾。」網民對於佢哋大耍花槍覺得好搞笑，仲話好鍾意朱智賢性格夠真，而有網民就乘機催佢哋快啲結婚添！朱智賢被指物 鏡頭前後兩個樣曝。朱智賢師奶Look喺屋企廚房煮嘢食。拍片者想寸朱智賢「照騙」！朱智賢隨手拎拿起碗布就掟。朱智贤
朱智賢師奶Look「被偷拍」 嬲爆掟嘢展現真性情
