【娛樂熱話】《Mayanne小喇叭》麥美恩碌人情咭邀請 林峯 吳卓羲細述兄弟情林峯、吳卓羲（Ron）於3月15日為麥美恩（Mayanne）主持的清談節目《Mayanne小喇叭》擔任嘉賓，阿峯說曾與Mayanne曾在《使徒行者3》合作，知道她早前在《萬千星輝頒獎典禮》得到「最佳女主持」，所以特意應邀做嘉賓來支持她。剛在馬來西亞宣傳電影的Ron亦相當俾面，一落機便孖住好兄弟阿峯上節目。今集大談二人由訓練班認識至今的兄弟情，二人相識25載，Ron坦言這次同框上節目，有很多回憶湧現出來。阿峯提到早前與Ron合唱歌曲〈友情未完〉，指歌曲籌備了一年時間，覺得歌詞很切合二人的兄弟情。此外，他亦透露今年會與Ron有機會一齊拍劇。(左起)吳卓羲、麥美恩、林峯及《Mayanne小喇叭》助理主持曾展望為節目錄影。吳卓羲與林峯不止工作上合作無間，私底下亦相當老友。林峯久未在TVB節目亮相。吳卓羲一落機，便趕來拍攝節目。麥美恩為首個擔大旗主持的節目，碌盡人情咭。火火親爆抓龍筋過程今晚第二集播的《Mayanne小喇叭》主題是中佬，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同 BTS 一齊入伍！」之後大談「性能」問題，更踢爆火火曾試做抓龍筋，火火隨即繪形繪聲地描述抓龍筋過程，搞笑表情包盡出！之後講到中年危機6大徵兆，當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne 聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」中佬齊嘆出軌成本高最後講到花生指數最高的出軌話題，Mayanne 表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。今晚一集有（左起）火火、森美及劉翁大談中佬心聲。眾人大談中年危機 6 大徵兆，其中一項係性能力/性慾下降。森美話大部分50歲的人也希望別人話自己唔似50歲。火火繪影繪聲，分享抓龍筋經過。劉翁自揭首段婚姻出軌真相。林峯吴卓羲
【娛樂熱話】《Mayanne小喇叭》麥美恩碌人情咭邀請 林峯 吳卓羲細述兄弟情
