抵過簽名會！陳偉霆健身房唔使6千蚊隨時日日見男神因沉迷健身並將興趣轉為副業嘅陳偉霆（William），去年喺北京開設咗一間大型健身房嘅佢，唔止引嚟唔少健身愛好者光顧，就連日理萬機嘅佢，都會抽空去健身房巡視、或者做運動，而向來熱心又親民嘅佢，唔止對於粉絲嘅合照請求一律應承，更會主動上前糾正大家嘅健身姿勢，認真做事嘅英姿亦引嚟唔少網友激讚。陳偉霆去年喺北京開設健身房。不時現身自家健身房嘅William，日前就有網友喺社交網晒出合照，並大讚道：「他人真的帥，還特別暖。首先鼓勵說我練得好，再叮囑我鍛煉時不要受傷，還問我對健身房的感受，真是認真做事的人。」而據資料顯示，陳偉霆健身房最平嘅單次體驗只需149人民幣（約161港元），最貴嘅半年會員（有效期181日）都僅需5499人民幣（約5980港幣），認真物超所值。真係抵過去簽名會見偶像！唔少網友都喺社交網晒出同男神合照！陈伟霆
抵過簽名會！陳偉霆健身房唔使6千蚊隨時日日見男神
