薛家燕捐600件靚衫義賣 最平$50有交易藝人薛家燕將於明天（24日）假旺角麥花臣場館舉行「Dance for life舞躍生命」義賣活動，除了捐出600件服飾進行義賣，粉絲亦趁機慶祝家燕姐74歲生日。全新服裝！仲有懷舊款。戲服都有。家燕姐屆時捐出的私人服飾包括上衣、套裝、外套、登台禮服等等，當中更有出自名師之手的訂製服飾，以及曾在《皆大歡喜》等人氣劇集中穿著過的戲服，非常高質量和有記念價值！當日的服飾定價由50元到600元不等，收益會全數撥捐作慈善用途，為弱勢社群出一分力。據悉，粉絲們當日會為月底生日的家燕姐提前慶生，相信場面會非常熱鬧和有意義。顏色好鮮艷。好多登台靚衫。而家燕近日亦在社交平台作出呼籲，並展示多款高質靚衫，當中有些更未曾穿著過，全套亦只售三百港元，她表示：「呢個活動作慈善嘅，大家除咗可以嚟跳舞之外，我仲選咗600幾件靚衫準備做義賣，價錢好抵，有啲係我登台衫，有啲係平時著嘅套裝，仲有我演過角色嘅衫，好多都好有紀念價值嘅，希望大家多多支持。」薜家燕
薛家燕捐600件靚衫義賣 最平$50有交易
