加厚裝假肚 菊梓喬變佗住一桶水假冒藝人的社交網頁時有出現，今次輪到歌手菊梓喬（Hana)遭殃，她在社交網甫出一個冒認是她的假帳戶，直言已非首次，「試過有粉絲扮同我好熟，扮同我一齊，又學我講嘢，然後四圍呃人錢。」她提醒粉絲小心受騙。提到無綫熱播劇《逆天奇案2》，她有份參與其中一個單元，並首次扮演大肚婆角色，十分好玩。雖然Hana已離開無綫旗下TVB Music Group，加盟何哲圖的星演國際，仍大方曬出舊劇及花絮片段幫手宣傳，她表示：「記得喺元朗拍嗰日天氣好熱，我個大肚加到三層厚，因為我太細粒喇！睇落好似有8個月身孕，嗰日拍咗好耐，流好多汗，拍完成個肚都係汗水。」戲中與謝東閔是夫妻，與尹光飾演的「村民」則有不少對手戲，她讚前輩精力充沛，經常同她傾偈，又請她吃東西，是劇組的開心果。她直言喜歡拍劇，透露5月將為HOY TV拍新劇。菊梓喬扮大肚扮得好開心。懷念與謝東閔和尹光一起拍劇的快樂時光。Hana貼出假冒社交網帳號，叫粉絲小心。Hana透露就快推新歌啦!「有日見到個歌迷，佢第一句就問我點解唔唱歌？以為我唔做呢行。其實我過幾日就錄新歌，不過未收到首歌，老闆應該以為我用一日就可以熟讀首歌。」又透露有寫新歌，目標半年內推出兩首歌。菊梓乔
加厚裝假肚 菊梓喬變佗住一桶水
