哥哥》戰友林志炫開騷 張智霖袁詠儀咀嘴捧場變搶鏡男神張智霖與太太袁詠儀拍拖欣賞林志炫深圳演唱會，席間隨着音樂多次忘形互咀，令全場嘩然！台下風景較台上更搶鏡，成為網民熱話。張智霖（Chilam）近期放慢腳步，頻與袁詠儀（靚靚）外出拍拖享受二人世界，多次被野生捕獲。雖已結婚23年，但雙方感情有增無減，恩愛之情羨煞旁人，他們更在林志炫的演唱會上互咀，令全場起哄，「張智霖袁詠儀咀嘴」一詞事後成為網絡熱話。張智霖同袁詠儀夫妻檔睇騷。恩愛搶鏡。被問到公然放閃，Chilam昨日受訪時解釋：「當時林志炫唱緊《妳是我左邊的風景》，大會用鏡頭向席上觀眾對焦，邊個被影住嘅就要錫身邊嗰位，我哋都係跟住做啫！」對於特意去深圳支持林志炫，他表示：「因為我哋一齊參加《披荊斬棘的哥哥》，當時已經擔起責任教佢唱廣東歌。幾個月前我收到佢嘅邀請，希望我能夠出席佢深圳演唱會，佢嗰晚有唱廣東歌，仲公開多謝我。」Chilam透露曾於深圳工作並逗留數月，故對當地環境及美食相當熟悉，其中一間食肆更教他念念不忘，故此行第一時間到訪醫肚：「餐廳係食辣嘢嘅，真係好掛住，所以特登帶太太一齊再去食，佢哋嘅冰粉真係食到我舐舐脷。當日老闆唔喺度，但啲伙記都好客氣咁請我食，好多謝佢哋。」突然咀嘴。成為全場焦點！张智霖袁咏仪林志炫
哥哥》戰友林志炫開騷 張智霖袁詠儀咀嘴捧場變搶鏡
