鍾嘉欣三代同堂合照曝光 家姐激罕現身兩姊姊似足餅印前無綫花旦鍾嘉欣同脊醫老公Jeremy先後誕下3個仔女，舉家定居加拿大，近年已減產嘅佢主力照顧家庭，昨日（12日）母親節，佢於社交網大晒仔女送畀佢嘅母親節禮物外，仲有大晒佢抱住細女孖家姐及媽媽，三代同堂嘅合照，相當溫馨，而鍾嘉欣嘅家姐向來都甚少公開露面，網民都話佢哋兩姊妹十足餅印一樣，仲大讚佢哋一樣都係Keep得好好呀！另外，鍾嘉欣今日（13日）亦有大晒同3個仔女喺公園影嘅合照，佢左右分別攬住大女Kelly，同細女Anika，而二仔Jared就從後攬住佢，真係隔個個Mon都覺得Warm呀！而相中睇到鍾嘉欣嘅細女Anika愈大愈似家姐Kelly，可愛爆燈呀！鍾嘉欣（右）家姐激罕現身，原來同鍾嘉欣（左）係餅印一樣。鍾嘉欣細女Anika愈大愈似家姐Kelly。钟嘉欣
鍾嘉欣三代同堂合照曝光 家姐激罕現身兩姊姊似足餅印
