未婚妻Chris本月28日提堂 李龍基：非常折磨！藝人薛家燕昨晚（19日）出席由電台節目主辦的補慶母親節晚宴，談及早前跟她到新加坡登台的「四大視帝」包括陳展鵬，羅嘉良，馬德鐘和黎耀祥被封為「新四大天王」，她說：「係觀眾話嘅，佢哋個個拍劇都深入民心，原來唱歌都咁有水準，（係咪合作登台長做長有？）係呀，已經有幾間主辦商聯絡我，但佢哋四個都好忙，個個都要拍劇，所以盡量就檔期啦。」晚宴嘉賓李基龍專誠到場支持，他稱翌日要到南山為6月的演唱會做準備，不過是即日來回，因每天都要探望在懲教所的未婚妻王青霞（Chris）。他嘆氣謂：「佢瘦咗，正常遇到呢啲情況都會差啲，我自己就最近肥番少少，冇再失眠，因為睇開咗好多，之前的確食唔落又瞓唔到。」又笑言是keep fit的最好方法，認為凡事有好壞兩面。提到未婚妻的案件於今個月28號再度提堂，他認為應該會有一個答案，不諱言等待的心情很痛苦和折磨，但會盡力幫助未婚妻。李龍基現身，心情好番啲！下月仲要去南山為演唱會做準備。薛家燕成日有得登台。Chris本月28日提堂。李龍基話佢瘦咗。#李龙基#
未婚妻Chris本月28日提堂 李龍基：非常折磨！
