【東周刊】被指現老態 47歲蕭正楠秘法回春剛於去年舉行巡迴個唱，慶祝出道20周年的蕭正楠，不經不覺已由𡃁仔晉身成為熟男兼人夫，又由歌手踩過界做埋演員。現年47歲的他，剛於無綫熱播劇《神耆小子》中，首度跟25歲的冼靖峰扮演兩父子。昔日，蕭正楠的凍齡樣貌和身材保養得宜，甚至有網民大讚他比林峯keep得更好。不過，他近來在大馬和中環被網友「捕獲」影合照後，卻被指現老態。由於連番出事，男神形象崩壞，他馬上大改潮童造型示人，誓要搣甩「中年大叔」陣除。自嘲中佬年屆47的蕭正楠，早已脫離出道時走偶像派的路線。2019年，他跟曹永廉於九展開騷後，已自嘲是中佬，並宣布二人組合名為「老廉蕭Show」；事隔3年，他改孖伍仲衡和區永權合體開音樂會，繼續以「中佬」打正旗號。已晉身「中佬」的他，剛在無綫熱播劇《神耆小子》中，第一次扮「爸爸」；而25歲的冼靖峰則演其「兒子」。不過，網民對於這對「父子」甚有意見，有的覺得蕭正楠外表年輕，跟冼靖峰較似「兄弟」；但有的卻指出他們的真實年齡相距18歲，蕭正楠絕對夠資格做老竇。無可否認，出道逾20年的蕭正楠，總算保養得宜，去年他在內地巡迴演唱時，翻唱林峯的〈幼稚完〉，網民大讚他比細兩歲的林峯keep得好：「蕭正楠真係冇林峯咁油膩，佢仲係似個後生仔」、「身形都好過林峯」等。而他近來也保持做運動，跟老婆黃翠如一起加入周潤發的「開心跑步團」，所以人到中年都冇發福。縱使蕭正楠的外形和容貌「凍齡」，但近來卻連番跌watt。早前，他在中環被粉絲「捕獲」，並把合照放上網分享；接着，有網民便將焦點集中在他的樣子上，既指有白頭髮，又指兩邊眼角有明顯魚尾紋，增添了幾分成熟中年大叔除。今月中，蕭正楠在馬來西亞舉行粉絲見面會，在工餘時間，他遊逛當地時，便遭粉絲「捕獲」；期間，他露出燦爛的笑容影合照。這次，蕭正楠就被網民發現到他的法令紋僵硬、眼紋勁深、黑眼圈又明顯，並不忘溫馨提示他要多加注意。食「牛肉乾」男神形象崩壞，仍然「在線」的蕭正楠，當然大為緊張！從大馬回港後，馬上搵老婆重新大執衣着，皆因黃翠如是他的造型軍師，他笑說︰「若着得唔好睇，係軍師出事。佢風格係特別，我10次有1次半次唔啱心水，但整體我都滿意嘅。」日前，他即化身潮童，上身是大馬品牌PMC一個龍系列的花恤衫，配以日牌Evisu的牛仔褲，以煥然一身的造型，現身《神》劇的宣傳活動，外表即時減齡，搣甩大叔除，自信都返晒嚟！活動期間，蕭正楠透露，兩公婆當日早已起身跟發哥跑步，慶祝對方的生日。至於心口上的獎牌，他解說︰「我哋跑咗6.9K，係代表發哥嘅歲數（69歲），完成跑程，發哥就送個獎牌俾我哋。」活動後，他獨自駕車到九龍城跟一名女友人食下午茶，期間不時走出餐廳講電話，可惜仍冷不防遭抄牌。看來，他除了繼續執好個look之外，還要好好鍛煉眼明手快，咁下次就可以避免食「牛肉乾」喇。萧正楠
【東周刊】被指現老態 47歲蕭正楠秘法回春
