無綫節目巡禮︱譚俊彥陳豪離港兩個月 日日視像隔空慰妻兩大視帝陳豪(阿Mo)與譚俊彥(Shaun)今日(31日)出席《2024 TVB年中節目巡禮》,兩人有份主演劇集《企業強人》,他們透露當時在內地逗留兩個月拍攝,講到無綫愈來愈多跟大陸的合拍劇需要在內地取景,問到兩位愛家男要長時間離港會否不方便?Shaun笑言:「呢樣係無可避免,依家好多劇同戲都喺外地取景,成個製作出嚟係會好好多,但就辛苦太太照顧家庭。我同阿Mo講笑,要一齊喺內地租間屋。(你哋要喺好多地方買樓先得?)承你貴言!」而阿Mo亦認同:「喺香港拍劇最頭痛就係取景,因為好多地方都拍過,內地就多好多景。不過當然,最好係一半時間喺香港,一半喺內地,取個平衡。(係咪喺內地有me time都係好事?)我個me time就係家庭。」至於太太可有為此而投訴?Shaun稱沒有,太太會帶小朋友到內地探班,但就辛苦他們,自己選劇以劇本、角色及對手為首選。阿Mo也表示太太陳茵嬍也沒有投訴:「無論去到邊都要同太太有溝通同連繫,我同Shaun喺內地拍劇嘅時候,日日都同太太、小朋友視像。(如果太太去內地拍劇你得唔得?)我個心係好支持,但對眼就要睇到實。」陳豪與譚俊彥合演《企業強人》。拍攝時離港長達2個月。譚俊彥笑言要在內地租屋。陳豪自爆日日同陳茵媺視像。陈豪谭俊彦
無綫節目巡禮︱譚俊彥陳豪離港兩個月 日日視像隔空慰妻
![](https://todaynews-48.com/wp-content/uploads/2024/05/67ed1b21gy1hq8vxg1hd3j20gw0c2gnn.jpg)