無綫節目巡禮︱高海寧馬國明盛裝出席 到場發現竟然冇劇「視帝」馬國明與高海寧在灣仔會展出席《2024 TVB 年中節目巡禮》兩人悉心打扮到場一心向廣告客推介新劇,但到場才發現原來在巡禮上竟然沒有自己演出的劇集,令人啼笑皆非。馬國明與高海寧盡心盡力。馬國明與高Ling受訪時被問到沒劇集推介也到場,相當棒場﹖他說:「我都係啱啱先知冇劇,其實我拍咗《執法者們》,以為巡禮《執》有份,但係點知冇,所以公關都話我係唔使上台。」他又笑言公司可能欠兩個公關,故叫他與高Ling出席。在旁的高Ling則驚訝反問說:「我真係唔使上台㗎﹖等我仲著到咁靚添。」馬國明則安慰說:「大合照嗰時都會叫你上台。(會唔會失望?)最失望唔係我係蕭正楠,佢話今日公司冇叫佢嚟,所以好唔開心,佢話好想見吓啲客戶,佢叫我代佢同公司講,下年就算冇劇都可以叫佢嚟。(你係視帝,所以叫你唔叫阿蕭?)唔係,只係差兩個Buddy,所以叫我哋。」不過,最離奇的其實蕭正楠有份演出的劇集《巾幗梟雄之懸涯》也是巡禮劇之一,但卻沒有被公司邀請出席。高Ling打圓場笑言可以趁巡禮機會宣傳《新聞女王2》並透露明年將開拍。講到佘詩曼稱不想再做「女王」角色?馬國明則笑說:「唔清楚,佢可能話今年唔想做啫,出年拍咪出年做囉。」工作忙碌的高Ling早前身體出現警號:「己經好好多,依家身體免疫力差咗,所以成日病,早幾日仲失聲,但好享受咁忙。」馬國明笑說:「佢忙住搵好多錢。」高Ling則說:「我係忙,但唔係搵好多錢,好耐冇試過咁忙,終於恨到,所以唔使休息調理。」馬國明則被問到是否忙於努力「造人」?他說:「唔係,都要開工,啱啱喺佛山返。造人就隨緣啦,唔刻意,成功咗會講,但依家仲未,不過冇壓力嘅。」蕭正楠有劇但未獲邀出席。kennethma马国明
無綫節目巡禮︱高海寧馬國明盛裝出席 到場發現竟然冇劇
![](https://todaynews-48.com/wp-content/uploads/2024/05/67ed1b21gy1hq8vyu5fsqj20gw0c2wgi.jpg)