節目巡禮︱馬國明高海寧臨場變吉祥物視帝馬國明與近年人氣急升的高海寧昨日出席節目巡禮，兩人到場後才發現巡禮中沒有自己參演的劇集，馬國明自詡是公司吉祥物TVBuddy，才應邀到場。而袁偉豪與陳曉華分別成為巡禮中產量最多的男、女藝人！無綫昨日舉行《2024TVB年中節目巡禮》，近百名小生花旦齊撐場，場面熱鬧，當中以騷胸的馮盈盈及大露背的陳曉華最性感。活動播出新劇預告片吸引廣告客戶，其中在《痞子無間道》中，周嘉洛再度「犧牲色相」裸體加打格上陣，十分搞笑。馬國明與高海寧（高Ling）雖然沒有孭飛劇集在巡禮中登場，但他們仍悉心打扮現身，坦言事前以為自己有份，馬國明打趣說：「公司可能欠兩個公關，所以叫我同高Ling出席。」高Ling驚訝反問：「我真係唔使上台㗎？我仲着到咁靚添！」馬國明即安慰她：「大合照會叫你上台。」問到會否失望？他笑說：「最失望唔係我，係蕭正楠，佢話公司冇叫佢嚟，所以好唔開心，佢話好想見吓啲客戶，叫我代佢同公司講，下年就算冇劇都可以叫佢嚟。（你係視帝，所以叫你唔叫佢？）唔係，只係差兩個（TV）Buddy，所以叫我哋。」事實上，蕭正楠參演的劇集《巾幗梟雄之懸崖》也是巡禮劇之一。高Ling打圓場指今次可以趁機宣傳《新聞女王2》，講到佘詩曼稱不想再做「女王」角色，馬國明笑說：「可能佢今年唔想做，出年開拍，咪出年做囉！」問他最近是否忙於造人？他否認，並說：「要開工，我啱啱由佛山返嚟。造人就隨緣，唔刻意，成功咗會講，但依家仲未。」馬國明笑指自己是吉祥物Buddy。無綫節目巡禮，近百藝人出席。陳豪譚俊彥計劃同居另外，小花陳曉華最巴閉，在巡禮中佔3劇，除了《巾》劇，還有《非常檢控觀》及《異空感應》，加上將在重頭劇《金式森林》擔正女主角，產量是女藝人之冠，她開心表示：「上年拍咗好多劇冇停過，希望可以一次過播晒出嚟。（受公司力捧？）我每個機會都會好努力同珍惜。（地位大躍進？）希望大家睇到我有努力同進步。（預計頒獎禮攞獎？）成為大家喜歡嘅角色就好開心，獎項隨緣。」男藝人方面以袁偉豪最多產，有《反黑英雄》及《法證先鋒VI倖存者的救贖》，但他未有到場。袁偉豪事後受訪時表示：「嗰兩部劇係同時喺內地開拍，一次過拍兩套應該冇乜點試過，仲要係做主角，好期待新劇上演。」說到近年經常返內地拍攝，他說：「呢個係大趨勢，對演員同製作都係好事，多啲場景、發揮空間，又可以同內地平台合作，成本效益相對都會好。」此外，兩大視帝陳豪與譚俊彥代表劇集《企業強人》到場，他們透露在內地逗留兩個月拍攝該劇，對於無綫愈來愈多跟內地的合拍劇，演員需要北上取景，問到兩位顧家男要長時間離港會否不方便？他們認為在所難免，因內地場景較多，譚俊彥笑言：「我同陳豪講笑要一齊喺內地租間屋。」他們慶幸另一半沒有投訴。問到陳豪若太太陳茵媺到內地拍劇，他是否支持？他說：「我個心係好支持，但對眼就要睇到實。」陳曉華大露背搶鏡。馮盈盈性感上陣，相當養眼！袁偉豪近年經常返內地拍攝劇集。周嘉洛於《痞》劇「打格仔」演出。陳豪（左）與譚俊彥指北上拍劇是新常態。激戰兩男 林夏薇黑化視后林夏薇在新劇《黑色月光》中跪坐在王浩信身上的床戲，昨日在巡禮率先曝光！她表示今次拍劇有很多突破，笑說：「唔止床戲，同馬志威都有唔少激情戲，尺度大，好有發揮。」她指此劇是入行以來最大挑戰，笑言幸好先播了《逆天奇案2》中溫婉的「國民女友」角色，因《黑》劇的角色孤獨、戰鬥力強又黑暗，直言首次演大奸角演到崩潰，擔心劇集出街後會被鬧，但未知《黑》劇是否台慶劇，有份參與已感榮幸。林夏薇表示今次拍劇有很多突破。林夏薇與王浩信於《黑》劇有親熱戲份。kennethma马国明
節目巡禮︱馬國明高海寧臨場變吉祥物
