單文柔拎Hermès遭網民轟貪錢 陳展鵬得啖笑：其實我係富豪私生仔陳展鵬今晚（1/6）現身將軍澳電視城出席《萬眾同心公益金》節目直播。提到日前有網民在小紅書分享與他們兩公婆的合照 ，但老婆單文柔卻慘遭網民留言狠批貪錢，指她手上拎住Hermès Birkin Bag，珠光寶氣，恍如貴婦出場：「佢老婆終於都有貪錢嘅一面呀，從普通包包孭到愛馬仕。」但亦有網民留言反駁：「咁如果佢貪錢都唔會嫁畀佢囉」、「老公錫老婆啫！」對於網民留言轟愛妻單文柔貪錢，陳展鵬表示得啖笑。（葉志明攝）陳展鵬接受《香港01》訪問時笑說：「其實佢嫁得畀我，咁佢算唔算貪錢，唔通大家知我背景？其實我係富豪嘅私生仔嚟。不過睇到呢啲新聞都得啖笑啦，都開心嘅。咁其實有邊個女仔唔鍾意包包，咁我太太佢都鍾意嘅，自己都有儲嘅，例如紙袋環保袋，只要靚佢都鍾意儲，而佢之前喺英國嘅時候讀手袋設計，變咗唔關牌子及價值嘅問題事。（個袋你送？）其實個袋係好耐之前送畀佢，佢肯嫁畀我，我梗係要落訂先啦。不過最緊要係咩場合做返咩嘅嘢，因為嗰日係一個古董展，有好多價值連城嘅文物，變咗我哋都係着得端莊穩重啲。」陳展鵬今晚出席《萬眾同心公益金》節目直播。（葉志明攝）單文柔手上的是Hermès Birkin Bag。（小紅書截圖）單文柔拎名牌包出街慘遭網民炮轟貪陳展鵬嘅錢。（小紅書截圖）陈展鹏
單文柔拎Hermès遭網民轟貪錢 陳展鵬得啖笑：其實我係富豪私生仔
