天使綜合症｜鄭俊弘何雁詩為愛兒健康到寺廟祈福：希望用唔同方法鄭俊弘（Fred）和何雁詩（Stephanie）早前公開兩歲愛兒Asher不幸確診患「天使綜合症」，兩夫妻由原本不知所措去到現在積極面對，日前更宣布會以發起人身份，在下月7日舉行《Angels within us 天使綜合症慈善演唱會》，希望喚醒社會對罕見疾病的關注。鄭俊弘希望《Angels within us 天使綜合症慈善演唱會》，可以籌得一百萬善款。（葉志明攝）Fred今日（15/6）現身中環出席《TVB 全城迎奧運》宣傳造勢活動。Fred接受《香港01》訪問時表示：「我相信每個父母照顧小朋友都係有啲吃力，而我兩公婆就盡量細心啲去照顧佢，希望俾到最好啲治療。變咗我同太太都有搵過一啲機構，希望可以用唔同嘅方法去幫到佢。（有冇為囝囝拜神祈福？）其實就冇乜特別嘅，但我哋會去拜神，就好似之前我哋去日本旅行嘅時候，我哋都會去一啲寺廟為囝囝嘅健康祈福。（聽日父親節點慶祝？）聽日開外景，但夜晚就Book咗枱一家人可以食飯。」鄭俊弘今日出席《TVB 全城迎奧運》宣傳造勢活動。（葉志明攝）郑俊弘
天使綜合症｜鄭俊弘何雁詩為愛兒健康到寺廟祈福：希望用唔同方法
