郭晉安西裝Look篤魚蛋 狀態弗爆男人味更上一層3屆「視帝」郭晉安早前突然宣布同結婚18年嘅歐倩怡離婚，惟對方自爆試過半夜呼吸困難兼失禁，暗指向枕邊人求救卻遭冷待，有數臭前夫之嫌，即被網民圍剿喝令收聲。身為另一為當事人嘅郭晉安，似乎就未有被事件影響心情，重新投入工作拍無綫劇集《金式森林》，更以一身型佬打扮示人。收口唔令事件升溫嘅佢，日前被網民街頭捕獲，見佢身穿西裝喺小食店篤魚蛋，又同店員吹水等埋位拍劇。網友大讚郭晉安狀態好好，明顯已走出離婚陰霾，依家仲多添男人味，唔怕冇市場。郭晉安同歐倩怡宣布離婚後，未有為事件添油添醋。歐倩怡忽然數臭枕邊人，令網友反感。郭晉安選擇冷靜面對，密密開工遠離是非。呢個look好有男人味，贏晒。郭晋安
郭晉安西裝Look篤魚蛋 狀態弗爆男人味更上一層
