譚輝智真假難辨 「分身」關嘉敏連阿仔都分唔到藝人關嘉敏在無綫節目《福祿壽訓練學院終極對決》中以「痰輝智」扮演譚輝智唱「屈到輝智病了」，獲外間激讚神還原。「痰輝智」關嘉敏與「本尊」譚輝智近日在節目中合體一齊亮相，嘉敏笑說：「我哋唔認識，第一次見面，感覺好怪。」輝智則說：「就咁睇唔似，佢靚咁多，點扮到我，佢係醜化咗，又要扮唔識跳舞，好勁。」她則多謝本尊肯定。真假譚輝智第一次見面！關嘉敏好開心又興奮。佢扮嘅「痰輝智」被激讚，似到十足。輝智指節目出街當日除了不少人轉發該模仿片給他讚神似，連他的小朋友也以為是爸爸：「我都覺得冇可能唔係我，小朋友睇見都問Daddy係咪輸咗。」最後譚輝智與「痰輝智」合體互相以對方的演繹方法合唱《屈到病》，相當搞笑。完全分唔到邊個先係真身。譚輝智自爆阿仔都以為真係佢。仲問老竇係咪輸咗比賽。網友想睇佢哋合作！#谭辉智#
譚輝智真假難辨 「分身」關嘉敏連阿仔都分唔到
