【明報即時】梁諾妍結婚3周年考洪永城 要100萬加自己 定1億兼世界最靚女人梁諾妍趁結婚3周年考考丈夫洪永城，問他想要1億加世界最靚女人，還是100萬及她。（梁諾妍Ig片段截圖 / 明報製圖）昨天（11日）是洪永城和太太梁諾妍結婚3周年的日子，梁諾妍在社交平台分享她考老公的問答片段，她在片中問︰「畀1億你同全世界最靚嘅女人你，定係畀100萬你但係同我喺埋一齊？」洪永城想了想後答︰「1億同全世界最靚嘅女人一齊。」梁諾妍大叫︰「咁我點呀？」洪永城解釋︰「你咪係全世界最靚嘅女人囉，跟住攞埋1億畀埋你，係咪咁玩㗎呢個遊戲？」梁諾妍追問︰「點解你咁醒嘅？我以為你會揀第二個？」洪永城說︰「但係第一個入面又有1億又有你，你又可以攞埋嗰1億 ，分1000萬畀我，都好好呀﹗你是最漂亮的﹗」梁諾妍被逗得哈哈大笑，不斷讚老公醒目。梁諾妍在影片下留言︰「Hello Sir, 7月11日，結婚三周年快樂﹗早幾個禮拜同Sir玩咗個陷阱題諗住陰吓佢，話說玩呢條問題嘅男生都中晒槍，即所有男生為免瀨嘢都一定會揀option 2，點知Sir竟然答對了，相信我冇揀錯老公。Any肥（Anyway），皮革婚快樂﹗下次再試吓陰你先﹗」（即時娛樂）洪永城#梁诺妍#
【明報即時】梁諾妍結婚3周年考洪永城 要100萬加自己 定1億兼世界最靚女人
